Monday, September 12, 2011

12 B திரைப்படமும் பார்க்காத உலகமும்

குப்பைகளுக்குள் முத்து போல வந்த சில அருமையான தமிழ் திரைப்படங்கள் , கிட்டத்தட்ட நாம் வாழ்க்கையில் அன்றாடம் எதிர்கொள்ளும்  சில  தியரிகளை வைத்து வந்த படங்கள் சரியான விளக்கமின்மை காரணமாக பெரிதாக பேசப்படவில்லை .

அவ்வாறான படங்களில் தசாவதாரம்( வண்ணத்து பூச்சி விளைவு ) , அதாவது இந்த உலகில் நடக்கும் ஒவ்வொரு விடயங்களுக்கும் இடையில் ஒரு தொடர்புண்டு, ஒரு சிறிய மாற்றம் பெரியதொரு விளைவை கொண்டு வரும் என்கிறது அந்த தியரி .கயோஸ் தியரியை அடிப்படையாக கொண்டு எடுக்கப்பட்டது . ஒரு வண்ணத்து பூச்சியின் இறக்கையின் படபடப்பு ஒரு பெரிய சூறாவளியையே உருவாக்கலாம் என்கிறது கயோஸ்  தியரி . 

 இன்னொரு அருமையான பேசப்படாத படம் தான் 12 B . அநேகருக்கு படம் விளங்கியிருக்க வாய்ப்பில்லை . போதிய விளக்கமின்மை காரணமாக இருக்கலாம் . விளக்கம் போதாது என்றும் கூற முடியாது . ஒரு படத்தில் வெறுமனே தியரியை விளங்கப்படுத்திக்கொண்டு இருக்க முடியாது .ஒரு வேளை நம்மவர்கள் ( பெரும்பாலான சதவீதம் ) இன்னும் அந்த நிலையை அடையவில்லையோ என்னவோ . அநேகரின் கருத்து விமர்சனங்கள் கூட அந்த படம் நேரத்தின் முக்கியத்துவம் கூறுவதாக மாத்திரம் அமைகிறது என நினைக்கின்றனர் . நிச்சயமாக  இல்லை .முடிந்தவரை விளக்க முயற்ச்சிக்கிறேன். வாசித்து விட்டு படத்தை மீண்டும்  பார்த்தால் விளங்கும் .



12 B திரைப்படம் எடுத்துக்கொண்ட தியரி தான் ஐங்ஸ்டாயினின் ஸ்ட்ரிங் தியரி (String theory ), நேர பயணம்  அல்லது சமாந்தரமான உலகம் எனலாம் . மிக மிக ஆச்சரியமான தியரி தான் .

நாம் வாழும் உலகம் ஒன்றல்ல . முடிவிலி உலகங்கள் உண்டு .எமது வாழ்வில் நடக்கும் ஒவ்வொரு நிகழ்வுகளும் நம் கண்ணுக்கு தெரியாமல் நம்முடனேயே நகர்கிறது . நாம் செய்யும் ஒவ்வொரு செயலுக்கும் எதிர் மாறு இருக்கிறது . நீங்கள் ஒரு பாதையால் செல்கிறீர்கள் என்றால் , அந்த பாதைக்கு  எதிராகவும் நீங்கள் செல்வது போல ஒரு நிகழ்வு உங்கள் கண்ணுக்கு தெரியாமல் நடக்கும் .உங்கள் காதலி காதலை ஏற்றுக்கொள்கிறாள் என்றால் , ஏற்க்காமல் இருப்பது போல இன்னொரு நிகழ்வு நடந்து கொண்டிருக்கும் . ஆனால் அது முடிவிலி .ஒரு காரியத்தை செய்யும் நிகழ்வு செய்யாத நிகழ்வு என எம்முடனேயே இந்த நிகழ்வுகளும் நகர்கிறது .
  

நாம் பிரதிகளாக , எமது நிகழ்வுகள் கிளைகளாக  உருமாறி எமக்கு சமாந்தரமாக எம்முடனேயே  எமது இன்னொரு(பல)  வாழ்க்கை நிகழ்கிறது .
சில உதாரணங்கள்  சொல்கிறேன் 

சில இடங்களால் நீங்கள் செல்லும் போது அந்த இடங்கள் எப்போதோ பார்த்த இடங்கள் போல இருக்கும் .ஏற்க்கனவே அந்த இடத்தில் இருந்த ஒரு உணர்வு . சில செயல்கள் நாம் ஏற்க்கனவே செய்து முடித்தவையாக இருக்கும் .சிலரை எங்கேயோ பார்த்த உணர்வும் தோன்றும் . காரணம் எல்லா நிகழ்வுகளுக்கும் உள்ள தொடர்பு . நான் கூறியது போல இன்னொரு கோணத்திலும் நீங்கள் நகர்கிறீர்கள் .

சில நேரங்களில் நீங்கள் சில பொருட்களை தொலைத்துவிட்டு தேடுவதுண்டு , ஆனால் அது கிடைக்காது . போட்ட இடமும் தெரியும் ,அங்கே தேடினாலும் கிடைக்காது . ஆனால் பல காலங்கள் கழித்து அதே பொருள்  கிடைக்கும் .

சிலர் உங்களை எங்கேயோ  பாத்திருக்கேன் என்று கூட கேட்டிருப்பார்கள் . அதற்க்கான விடைகள் தான் இந்த தியரியில் .


அந்த தியரியை பிரதிபலிக்கும் படம் தான் 12 B . சாதாரண இளைஞனின்(ஷியாம் ) வாழ்க்கை ஒரு பஸ்ஸை தவறவிடுவதால் எவ்வாறு போகிறது எனவும் , அதே நபர் பஸ்ஸில் ஏறி இருந்தால் அவரின் வாழ்க்கை எவ்வாறு அமையும் என காட்டுவது தான் அந்த படத்தின் கரு . அதாவது இதில் அனைவருக்கும் விளங்காத மறந்த விடயங்கள் என்னவென்றால் இருவரின் வாழ்க்கையும் சமாந்தரமாக தான் செல்கிறது . ஒரே இடத்தில் இருவர் சம்மந்தப்பட்ட நிகழ்வுகள் நடக்கும் .  

ஒரு ஷியாமுக்கு(இண்டர்வியூக்கு  பஸ்ஸை பிடித்த ) வேலை கிடைக்கிறது , ஜோதிகாவுடன் காதலில் தோற்கிறார் , வேலை  செய்யும் இடத்தில் சிம்ரனை சந்திக்கிறார் . மற்றைய ஷியாம்(பஸ்ஸை தவறவிட்ட ) வாழ்க்கையில் தோற்றாலும் ஜோதிகாவுடன் காதலில் ஜெயிக்கிறார் . ஆனால் ஜோதிக கண்ணுக்கோ அதே ஷியாமின் கண்ணுக்கோ மற்றைய ஷாம் தெரிய மாட்டார் , ஆனால் நிகழ்வுகளில் தொடர்பு இருக்கும் .

படத்தின் ஆரம்பத்தில் மருத்துவமனையில் சிம்ரனை(கவலையில் வந்து அழுகையில் ) சந்திக்கும் ஷியாம் . படத்தின் இறுதியில் அதே போல ஒரு நிகழ்வில் மீண்டும் அதே இடத்தில் சிம்ரனை பார்ப்பார் . ஆனால் சிம்ரன் முதல் அழுதமைக்கு காரணம் அதே ஷியாமின் இன்னொரு நிகழ்வு இறந்து கிடப்பது . அதாவது அதே ஷியாம் இறந்து கிடப்பார் . ஆனால் ஜோதிகா பின்னால் செல்லும் ஷியாமை கடந்து தான் சிம்ரன் செல்வார் . ஆனால் சிம்ரன் கண்ணுக்கு மற்றைய  ஷியாம் இருப்பது தெரியாது . கண்ணுக்கு தெரியாத இன்னொரு ஷியாம் உயிரோடு இருக்கிறார் .


பல இடங்களில் நடை பெறும் நிகழ்வு , உதாரணமாக சண்டை இடம் பெறும் இடங்கள் ,  இரு ஷாமும் மாறி மாறி ஜோதிகாவை சந்திக்கும் இடங்கள் என்பன பொதுவாகவே இருக்கும் . அது தான் அந்த தொடர்பு முறை . ஒவ்வொரு நிகழ்வுக்கும் பல பிரதிகள் இருக்கிறது .


இந்த தியரியை விளக்க தனிப்பதிவு தான் போட வேண்டும் . ஆனால் இதன் அடிப்படையாவது விளங்கியிருக்கும் .சுருக்கமாக விளக்கியுள்ளேன் . தவறவிட்டவர்கள் , விளங்காமல் விட்டவர்கள் இந்த படத்தை மீண்டும்  பாருங்கள்.  நிச்சயம் விளங்கும் . 

நல்ல படங்களை தந்த ஜீவா நம்முடன் இல்லை . உன்னாலே உன்னாலேயில்  ஆண் பெண் பிரச்சனைகளை சரியாக காட்டி இருப்பார் . இரண்டும் அருமையான படங்கள் . ஐங்ஸ்டாயினும் தியரிகளை முடிக்காமல் சென்றதும் கவலை தான் .

நல்ல படங்கள், வித்தியாசமான படங்கள்  நிச்சயம் மக்களை சென்றடைய வேண்டும் .

கடவுள் (மிஸ்)- மிக்ஸ் ஜோக்ஸ்

தொடர்ந்து சீரியஸா எழுதினா சில வேளை உங்களுக்கே போர் அடிச்சிடும் . அதனால கொஞ்சம் நகைச்சுவையோட .. ஆனா சிந்திக்கவும் தான் .




பெருசு :-இப்ப எல்லாம் இந்த பசங்க கடவுளை கும்பிட போய் பண்ணுற கொடுமை இருக்கே . 
அன்னைக்கு ஒரு நாள் நான்  சர்ச் ல இருக்கும் போது ஒரு பய பாதேருக்கு முன்னாலேயே சிகரட் குடிச்சிட்டு இருந்தான் . நான் அப்பிடியே ஷாக் அஹீட்டேன் .எனக்கு வந்த அதிர்ச்சீல என் கைல இருந்த பியர் பாட்டில் விழுந்தது கூட எனக்கு தெரியேல்லன்னா பாருங்களன் . 
==================================================================================
இதெல்லாமா கடவுளால நடக்குது !!!


வயது போன ஒரு ஐயா மருத்துவரிடம் உடலை மாதமொரு முறை தொடர்ந்து போய் பரிசோதித்து இருக்கிறார் . அவரை பரிசோத்தித்த மருத்துவர்: - " உங்களுக்கு உடலில் ஒரு குறையும் இல்லையே , நீங்க மனதளவில் நன்றாக சந்தோஷமாக  இருக்கிறீர்கள் போல ? "
அதற்க்கு பதில் அளித்த ஐயா :-  "ஆம் கடவுளும் நானும் மிகவும் நெருக்கம் . கதவுக்கும் எனக்கும் இடையில் ஒரு நெருங்கிய தொடர்பு உண்டு . நிறைய ஆச்சரியங்கள் எனது வாழ்வில் . நான் இரவு வேளையில் எழும்பி கதவை திறந்து பாத்ரூம் போகும்  போது  தானவே லயிட் வருது . அப்புறம் தானாவே ஆப் ஆகுது ." 


வாவ் என்று மருத்துவர் கூறிவிட்டு அனுப்பிவிட்டார் . 
ஒரு நாள் மருத்துவர் பொறுக்க முடியாமால் ஐயாவின் வீட்டுக்கு கால் எடுத்து அவர் மனைவியிடம் " உங்கள் கணவர் கடவுளுடன்  நெருங்கிய தொடர்புடையவர். இரவில் பாத்ரூம் செல்லும் போது தானாகவே லயிட் ஆண் ஆகுதாம் அப்புறம் ஆப் ஆகுதாம் . நான் அவருடன் பழகி ஆன்மீக வழியில் செல்ல வேண்டும் . அவர் இருக்கிறாரா ? "


அதற்க்கு அவர் மனைவி " ஏன் டாக்டர் உங்களுக்குமா அறிவில்லை . அந்த மனுஷன் இரவிலை பிரிட்ஜ்  ஐ திறந்து ஒவ்வொரு நாளும் பாத்ரூம்  மாதிரி நாசம் பண்ணி வைக்கிது எண்டு நானே கவலேல இருக்கன். 




==============================================================================================
கடவுளாவே இருந்தாலும் எங்க இதுக்கு தீர்ப்பு சொல்லுங்க 


மூன்று பேர் இறந்து போய் மேல் உலோக வாசலில் அனுமதி எடுக்கும் இடத்தில் போய் ஒரே நேரத்தில் நின்றனர் . அன்றைய தினம் மேல் உலோகம் ஹவுஸ் புல் . அதனால் ஒருவரை தான் எடுக்க முடியும் எனவும் யார் கொடூரமாக  கொலை செய்யப்பட்டாரோ அவருக்கே இடம் உண்டு எனவும் கடவுள் கூறிவிட்டார் .


முதல் மனிதன் :- எனது  மனைவிக்கும் இன்னொருவனுக்கும் நிறைய நாள் தொடர்பு இருக்கும்னு  எனக்கு நிறைய காலமாக சந்தேகம் அதனால திடீரெண்டு ஒரு நாள் எண்ட அபார்ட்மென்ட்டுக்கு(25 ஆவது மாடி )  போய் , வீட்டுக்குள்ள நுழைந்தேன் . மனைவி தனியாக இருந்தாள் . இருந்தாலும் மற்றையவன் ஒளிஞ்சிருக்கலாமோ என்ற சந்தேகத்திலை போய் பெல்கனியை எட்டி பார்த்தா அங்க ஒருத்தன் தொங்கிக்கொண்டு இருந்தான் . கோபத்தில்  அவனை அடித்தேன் உதைத்தேன். அசையல்ல. ஓடி வந்து சுத்தியலால கைக்கு அடிச்சன் அப்ப முடியாம 25 ஆவது மாடீல இருந்து கீழ விழுந்திட்டான். இருந்தாலும் பயபுள்ள எஸ்கேப். குப்பைக்கு மேல விழுந்திட்டான் . விடுவனா !!  ஓடி போய் கிட்ச்சென்ல இருக்கிற பிரிட்ஜ் ஐ தூக்கி கொண்டு வந்து அவன் மேல போட்டு கொன்னுட்டன். அந்த ஆத்திரமும் கோபமும்  எனக்கு ஹார்ட் அட்டாக் வந்து ஸ்பாட்லயே அவுட் .





இராண்டவதா ஒருத்தன் வந்தான் :-  கடவுளே நான் இவர் இருக்கும் வீட்டின் இருபத்தியாறாவது மாடியில் குடியிருப்பவன் . நான் தினமும் காலையில் பல்கனியில் உடல் பயிற்சி செய்வேன். அப்படி செய்யேக்க  தவறி  மாடீல இருந்து கீழ விழுந்திட்டன். இருந்தாலும் அதிஷ்டத்தால 25 ஆவது மாடிய கெட்டியா பிடிச்சிட்டன்.  இருந்தாலும் நீண்ட நேரம்  நிக்க முடியாது எப்படியும் கீழே  விழுவேன்  எண்டு தெரியும் . அப்ப தான் இந்த மனுஷன் வந்தார் . சரி நம்மளை காப்பாத்த தான் வாறானோ எண்டு நம்பி இருந்தா , என்னை அடிச்சு விழுத்த பாத்தான் . அதுவும் முடியேல்லன்னு சுத்தியலால கைக்கு அடிச்சு விழுத்த  பாத்தான் . அப்போ வலி தாங்கமா கீழ விழுந்து எஸ்கேப்  ஆகீடன் . சரின்னு இருந்தா மேல இருந்து திடீர்ன்னு ஒரு பிரிட்ஜ் என்ற தலை மேல வந்து விழுந்து நான் அவுட் .




மூன்றாவதா வந்தவன் இதே விஷயத்தை சொல்லி . அந்த பிரிட்ஜுக்குள்ள டிரெஸ் இல்லாம ஒழிஞ்சு இருந்தது நான் தான்யா !!!! .. 
==============================================================================================
ஆசிரியர் :- " பொய் சொல்பவர்களை பற்றிய பாடம் நாளைக்கு எல்லோரு 14 ஆவது பாடத்தை பார்த்து தயார் செய்து கொண்டு வரணும் " என்று சொல்லி விட்டார் . 
அடுத்த நாள் வந்து யார் யார் பாடத்தை முதலே பார்த்து கொண்டு வந்தது என்று கேட்க்க , அரைவாசி பேர் கையை உயர்த்தினர் .


ஆசிரியர் கையை உயர்த்தாதவர்களை வெளியே போக சொல்லி விட்டு , கை உயர்த்தியவர்களுக்கு தான் பாடம் தேவை , ஏன் ஏன்னா 14 ஆவது பாடமே புத்தகத்திலை இல்லை ..!! ஓஓஒ 

பெண் அடிமைத்தனமும் சமூக அடிமைத்தனமும்



பெண் அடிமைத்தனமும் அதன் காரணத்தையும் மற்றும் எம் சமூக தவறுகளையும் அடிப்படையில் இருந்து இனம் காணலாம் என்ற அடிப்படையில் எழுதும்  பதிவு . இந்த முயற்ச்சிக்கு உங்கள் வரவேற்ப்பு தேவை .
=========================================================================

மாதம் தோறும் ஏன் வாரம் தோறும் கூட பெண் விடுதலை பற்றிய ஆக்கங்கள் பெண்களாலும் பலராலும் எழுதப்பட்டுக்கொண்டு தான் இருக்கிறது . அது ஏதாவது மாற்றத்தை ஏற்ப்படுத்தியதா  என்று பார்த்தால் பெரிதாக இல்லை என்றே சொல்ல வேண்டும் . காரணம் வெறும் பேச்சிலும் எழுத்திலும் மட்டுமே பெண் விடுதலை இருப்பது .

எந்த ஒரு விடயத்தையும் அடிப்படையில் இருந்து பார்க்கும் போது இந்த விடயத்தையும் அடிப்படையில் இருந்து பார்க்கத்தோன்றும் . பெண் விடுதலை எனப்படும் போது அது நிச்சயம் அவள் திருமணமாகிய பின்பு தான் போகிறது எனும் கருத்து அனைவரிடமும் காணப்படுகிறது . கணவரால் அடிமைப்படுத்தப்படுகிறாள் , துன்புறுத்தப்படுகிறாள் , சுதந்திரம் கொடுக்கப்படுவதில்லை என்றெல்லாம் ஒரு கருத்து உலாவுவதில் சந்தேகங்கள்  இல்லை .

இதன் ஆரம்பம் என்ன என்று பார்த்தால் ஒரு பெண்ணால் தான் முதன் முதலாக ஒரு பெண் அடிமைப்படுத்தப்படுகிறாள் . அது வேறு யாருமல்ல. அவளின் தாய் , அவளின் பாட்டியாக கூட இருக்கலாம் . பெண் பிள்ளை மாதிரி அடக்க ஒடுக்கமாக வீட்டில் இரு என முதல் அதட்டல் வீட்டில் இருந்தே ஆரம்பம் . பெண் பிள்ளைகள் கண் படும் படியே " நீ பெண்ணாக பிறந்து தொலைத்து விட்டாய்" என பேசுவது ,ஆண் பிள்ளைகளை உயர்த்தி வைப்பது என அடிப்படைகளே பிரச்சனையின் ஆரம்பம் . பெண் பிள்ளையானால் பொருள் கொடுக்க வேண்டும் , வீட்டிற்க்கு பாரம் என ஆரம்பத்திலேயே அவள் மீது ஒரு வித அழுத்தம் பிரயோகிக்கப்படுகிறது .

ஏன் ஒரு தாய் பெண்ணாக இருந்து கொண்டு இப்படி செய்கிறாள் என பார்த்தால் இன்னொரு விடயம் தடுக்கிறது . அதாவது  எமது சமூகத்தில் இருந்து நாம் இன்னும்  விடுதலை பெறவில்லை என்பது அவளுக்கு புரிகிறது . அதென்ன சமூக விடுதலை என நீங்கள் கேட்கலாம் . ஒரு பெண்ணை  சுதந்திரமாக விட்டால் இன்னொரு பெண் அல்லது தாய் அல்லது சொந்தக்கார்களால்  எவ்வாறு பேசப்படுவாள் என்பது நம் சமூகத்துக்கு தெரியும் .

இவ்வாறான அடிப்படை பிரச்னைக்கு காரணமே சமூகம் இன்னும் விடுதலை பெறாமை . இப்போது கூட நாம் வேறு ஒருவர் ஏதேனும் சொல்லி விடுவாரோ சமூகம் எம்மை இழிவாக பார்க்குமோ என சமூகத்துக்காகவே வாழ்ந்து வருகிறோம் . ஆனால் அதே சமூகம் நமக்கு என்ன தந்தது என்று பார்த்தால் ஒன்றுமில்லை .

இதில் முக்கிய பங்கான ஆண் வர்க்கத்தை ஒத்துக்கி விட்டு பேசி விட முடியாது . இந்த சமூகம், உறவுகள் என்னவாக இருந்தாலும் ஆணின் தலைமைத்துவத்தில் இயங்குவதை புறம் தள்ள முடியாது . ஆண்களும் கூட எழுத்தில் , பேச்சில் மட்டுமே பெண் விடுதலையை சுமக்கின்றனர் . தனக்கென வரும் பொழுது அது இருப்பதில்லை , முக்கியமாக தன் மனைவி என வரும் போது தனக்கு கீழே இருக்க வேண்டும் என்ற எண்ணம் மேலோங்கியே நிற்க்கிறது .

எமது சமூகத்தில் வயது குறைந்த பெண் மற்றும் வயது கூடிய ஆண் திருமண முறை காரணம் என்னவென்றால் வயது கூடிய ஆண் எடுக்கும் முடிவை வயது குறைந்த பெண் தலை குனிந்து ஏறக்க வேண்டுமாம் . எம் சமூகத்தில் இப்போது தான் ஆண் பெண் நடப்பு வளருகிறது இருந்தாலும் சில நண்பர்கள் கூட , முக்கியமாக ஆண் நண்பர்கள் பெண்களின் உணர்வுகளை புரிந்து கொளவதில்லை . தவறான புரிந்து கொள்ளல் ஆண் பெண் நடப்பை பாதித்து அவளை வெறுக்கும் படி ஆகி விடுகிறது .

பெண் அடிமைத்தனத்தை ஆதி காலத்தில் இருந்து யாரோ பரப்பிய கட்டுக்கதைகள் கொண்டு மதங்கள் அவற்றை ஊதி  பெரிதாக்குவதில் முக்கிய பங்கு வகித்தது என்பது உறுதி . இந்து சமயத்தில் பெண்கள் சில காலங்களில் தீண்டத்தகாதவர்களாக நியதி இருக்கிறது . இருந்தாலும் பெண்ணுக்கு சக்தியாக சம உரிமை வழங்கிய மதம் பின்னர் வந்தவர்களால் திரிபுபடுத்தப்பட்டது .இஸ்லாமிய சமயத்தில் பெண் அடிமைத்தனம் முழுதாக தனது ஆதிக்கத்தை செலுத்தி உள்ளது .கிறிஸ்தவ மதமோ பெண் ஆணவள் ஆணுக்கு சேவகம் செய்ய வேண்டும் என்று இயேசு கிறிஸ்து கூறியதாக இயேசுவை காரணம் காட்டி கூறுகிறது . மதங்களும் ஆண்  ஆதிக்க வாதிகளால் பெண்களை அடிமைப்படுத்த ஆயுதமாக பயன்படுத்தப்பட்டது .

தற்ப்போதைய கல்வி அறிவும் , மனிதனின் பகுத்தறிவு வளர்ச்சியும் சமூகத்தில் இருந்து விடுதலையை பெற்று வருகிறது . ஆனாலும் எழுத்திலும் பேச்சிலும் மாத்திரம் பெண் அடிமை பேச்சு இல்லாமல் நாம் நம்மை சுற்றி  இருக்கும் சமூகத்தில் இருக்கும் பெண்களுக்கு எம்மால் முடிந்த சுதந்திரத்தை கொடுக்க வேண்டும் . ஒவ்வொருவரும் தனிப்பட்ட ரீதியில் கொடுக்கும் சுதந்திரம் உலகையே மாற்றும் . நம் சமூகத்திடம் இருந்தும் ஒவ்வொருவரும் தனிப்பட்ட ரீதியில் இயங்குவதற்கு  சுதந்திரம் பெற்றால் பெண் அடிமைத்தனம் தானாக ஒழியும் .

பெண் அடிமைத்தனம் மற்றும் சமூக அடிமைத்தனத்தின்  மிக முக்கிய பங்காளி சினிமா. சமூக அடிமைத்தனம் என்று பார்த்தால் ஆண்களும் அடிமைகளே ... 

ஏலியன்ஸ் - பிரபஞ்ச தேடல் 2

முன்னைய பதிவில் நூறு பில்லியன் பால்வீதி உள்ள  இந்த அண்டத்தில் நம்மைப்போல ஒரு சூரிய குடும்பமோ அல்லது எமது பூமி போலவே ஒரு பூமி இருப்பதற்கோ  எவளவோ சாத்தியங்கள் உண்டு என பார்த்தோம் . எமது பூமியில் உயிர்கள் எதிர்பாராத ஒன்றாகவே உருவாகியது என பார்த்தோம் . மற்றும் அடிப்படை மூலக்கூறுகள் எரி கற்கள் மூலம் எங்கிருந்து எங்கு வேண்டுமானாலும் கொண்டு செல்லப்படலாம் எனவும் பார்த்தோம்  . போதுய ஓட்டுகள் இல்லாததால் அந்த பதிவு அனைவரையும் சென்றடையவில்லை . முதல் பதிவை வாசிக்க :-- ஏலியன்ஸ்  பாகம்  1
==================================================================================

அவ்வாறு  எதிர்பாராத விதமாக எமது உலகில் தோன்றிய உயிர்கள் நாமாக இருந்தாலும் அனைத்திற்க்கும் ஒரே தியரி தான் . அது தான் தக்கன  பிழைத்தல் . எத்தனையோ உயிர் பிணைப்புகள் வந்தாலும் சூழலுக்கு  ஒத்துப்போகக்கூடிய உயிர்கள் தான் நிலைத்திருக்கின்றன . இவ்வாறு வந்த உயிரினங்களுக்கு  சக்தி (உணவு) தேவைப்பட்டது . அப்போது தொடங்கியது தான் தேடலும் உயிரினங்களின் பரம்பலும் .

இதற்க்கு பல உதாரணங்கள் நாம் தற்ப்போது  காணும் விலங்குகளிடம் உண்டு . கவனித்து பார்த்தால் தாவர உன்னிகளுக்கு கண்கள் முகத்தின் இரு பக்கமும் பக்க வாட்டில் இருக்கும் ஆனால் மாமிச உன்னிகளுக்கு கண் நேரே பார்த்த படி தான் இருக்கும் . தாவர உண்ணிகள் மாமிச உன்னிகளிடம் இருந்து தம்மை பாதுகாத்து கொள்ள சுற்றி இருக்கும் கண் உதவுகிறது , ஆனால் மாமிச உன்னிகளுக்கு அவற்றின் இலக்கு தான் குறி அதனாலேயே அவற்றின் கண்கள் முன்னோக்கி இருக்கிறது .

இதை ஏன் கூறுகிறேன் என்றால் இவ்வாறன செயல்ப்பாடுகள் நாம் இன்னொரு உயிர் இருப்பதாக கூறும் உலகத்திலும் நடக்கிறது என்பது தான் ஸ்டீபன் ஹவ்கிங் எனும் கொஸ்மொலோஜிஸ்ட் , பௌதீகவியலாளர்   கூறியிருக்கும் கருத்து . நான் முன்னர் கூறிய  அடிப்படை மூலக்கூறுகளின்  வளர்ச்சிக்கு தேவையானது நீர் . நீர் வேறு சூரிய குடும்பத்திலும்  இருக்கலாம் . ஆனால் நம் அருகில்  இருக்கும் செவ்வாயிலும் உறைந்த நிலையில் நீர்  இருப்பது கண்டறியப்பட்டுள்ளது . செய்மதி புகைப்படங்கள் உரை நிலை நீர் இருப்பதை உறுதி செய்வதோடு இன்னொரு சான்றும் கிடைத்துள்ளது .


இவை நீருடன் தொடர்பிருந்தால் மட்டுமே உருவாகும் என்பது விஞ்ஞானிகள்  கருத்து . செவ்வாயில்  உயிரினங்கள் இருக்கலாம் என்பது ஒரு கருத்து . அது இல்லாவிட்டால்  வியாழனின் உபகோள் யுரோப்பா விழும் இருக்கலாம் . முன்னைய பதிவில் யுரோப்பா  பற்றி பார்த்திருக்கிறேன் .  எம்மால் கிரகங்களுக்குள் தான் செல்ல முடியுமே தவிர நட்ச்ச்சத்திரங்களுக்குள் செல்ல  முடியாது .

ச்டீப்ஹன் ஹவ்கிங்கின் தேடல் படி ஏலியன்ஸ் எவளவோ வகைகளில் இருக்கலாம் . நிச்சயம் நம்மை போல நம் உயிரினங்களை  போல இருக்க வேண்டும் என்றில்லை .


நிச்சயம் நீரை தவிர இன்னொரு விடயத்தை அடிப்படையாக கொண்டு உயிர் வாழலாம்  . அது தான் நைற்றேஜன் . நம் பூயில் அது வாயுவாக இருக்கிறது . ஆனால் -320 பாகை பாரனயிட்டில் அது நீர் . நைற்றேஜன் கடல்கள் கூட நம் அண்டத்தில் இருக்கலாம் . அதில் கூட உயிரினங்கள் இருக்கலாம் .ஏன் வாயுக்களில் கூட உயிரங்கள் வாழலாம் என்பது எதிர்வு கூறல் . சுற்றி வர எங்கு பார்த்தாலும்  அங்கே உயிரினங்கள் வாழ்வதற்க்கு  சாத்தியம் அதிகம் .

ஏலியன்ஸ் எப்படி இருந்தாலும் கவலையில்லை அவர்களால் என்ன செய்ய முடியும் என்பதே முக்கியம் . அவர்களும் எம்மை போல யோசிப்பார்களா ? இல்லை எம்மை விட தொழில்நுட்பம் கூடியவர்களா ? . எம்மை விட தொழில் நுட்பம் கூடியவர்களாக இருந்தால் எமக்கு தான் ஆபத்து .


கூடுதலாக ஏலியன்ஸ் கடத்தல் சுமார் 50 வருடங்களாக நிகழ்வதாக கதை . தனியான வழியில் இரவு வேளையில் செல்பவர்கள் காணாமல் போவதாக கதை . ஆனால் இது அரசால் மூடி மறைக்கப்பட்டுள்ளது . நாசாவும் மறைத்து வருகிறது . அமெரிக்க அரசு பறக்கும் தட்டை கண்டு எடுத்ததாக தகவல் . அது பற்றிய எனது பதிவை வாசிக்க . அமெரிக்காவின் ரகசிய இராணுவத்தளம் ஏரியாஏரியா  51 பற்றியது .

ஏலியன்ஸ் இருப்பதற்க்கு உறுதியான சில தகவல்கள் மேலும் உண்டு . ஆகஸ்ட் 16 1997   செய்மதியில் இருந்து தொலைத்தொடர்ப்பு நிலையத்துக்கு ஒரு சிக்னல் கிடைத்தது .


அதனை தொலைத்தொடர்பு நிலைய கருவிகள் பதிவு செய்தது . அது அனைவரையும் ஆச்சரியத்தில் ஆழ்த்தியது . கணணி  அந்த சிக்னலை ஆறு எழுத்துகளாகவும் இலக்கங்களாகவும் பதிவு செய்தது .  அதனை மாற்றிய போது வாவ் எனும் சொல் என கண்டறியப்பட்டது .

எலியன்சால்  எமது சூரிய குடும்பத்திட்க்கே பிரச்சனை காத்திருக்கிறது .
எலியன்சால்  என்ன பிரச்சனை ? மனிதன் பூமிக்கு என்ன செய்கிறானோ அதையே அவையும் செய்யுமா ?  அவற்றுடன் ஆனா ஆராச்சியில் வெற்றி காண முடியுமா ? என்பது பற்றி அடுத்த பதிவில் பார்ப்போம் .

1 ஏன் ஒன்று 2 ஏன் இரண்டு - ஆர்யபட்டா


உலகத்தை எது ஆளுதோ இல்லையோ இந்த நம்பர்கள் மட்டும் ஆள்வது உண்மை தான் . இந்த மூன்று ஆறு சேர்ந்தா சாத்தான் நம்பறாம். ஏழாம் நம்பர் காரன் ராசிக்காரனாம் ஆறாம் நம்பர்காரன் கெட்டிக்காரன் எண்டு காதிலை எத்தனையோ தடவை எத்தனையோ விடயம் அடிபட்டிருக்கு . அதுவும் முக்கியமா எல்லாம் இலக்கங்களை வைத்து தான் தீர்மானிக்கப்படுது . அது தான் இலக்கத்தை வைச்சு ஒரு பதிவு போடலாம் என எண்ணினேன் .


அதுவும் இந்த பணத்தினுடைய பெறுமதியே பின்னால இருக்கிற பூச்சியத்தை வைத்து தானே தீர்மானிக்கப்படுகிறது . அதுவும் என் நண்பன் அனுப்பிய ஒரு மின்னஞ்சலையும் பகிர்கிறேன் . நம்பர்கள் இது தானா எண்ட முடிவுக்கு வந்த உடன அட போங்கடா நீங்களும் உங்கட என்றுஎண்ண தோணுது . ஒன்று ஏன் ஒன்று ? இரண்டு ஏன் இரண்டு ? எனபதற்கு அருமையான விளக்கம் பாருங்கள் . அட இவளவு தானா மேட்டர் என எண்ணத்தோன்றும் .


எகிப்தியர்கள் அறிமுகப்படுத்தியது தான் எண்கள் . ரோமானியர்கள் ரோமன் இலக்கத்தில் எளிய வடிவில் எழுதினார்கள் . எகிப்தியர்கள் அறிமுகப்படுத்திய இலக்கம் நம் பாவனையில் இருக்கிறது .


ஒவ்வொரு இலக்கங்களும் கவனித்து பார்த்தால் ஒவ்வொரு கோணங்களின் எண்ணிக்கை .







இந்த பூச்சியத்திட்க்கு என்ன அர்த்தம் என தேடிய போது இந்த பூச்சியம் எகிப்த்தியர்களால் கண்டு பிடிக்கப்படவில்லை. இந்த பூச்சியம் கண்டு பிடிக்கப்பட்டது ஆர்யபட்டா (Aryabhata ) எனும் இந்தியரால் . இவளத்தையும் யோசிச்சவங்க ஆங்கிலே இல்லாட்டி என்ன பண்ணுறதெண்டு யோசிக்கேல்ல போல .




பூச்சியத்தை தேட போய் ஆர்யபட்டா எனு மாபெரும் இந்திய கணித மாமேதையை பற்றி அறிந்து கொண்டேன். உங்களோடு பகிர்கிறேன் .


ஆர்யபட்டா ஒரு சிறந்த கணிதவியலாளரும் , சிறந்த வானியலாளரும் கூட . கி மு 476 தொடக்கம் 550 காலம் வரை வாழ்ந்தவர் அவர் . மூன்றாம் நூற்றாண்டில் பாக்ஷாலி எனப்படும் ஓலைகளில் எழுதிவைக்க்ப்படிருக்கும் விடயம் வெளியில் வந்தது . ஆர்யபட்ட அதனை உபயோகிக்கவில்லை . அது முன்னைய இந்தியாவின் பஷாளி எனும் இடத்தில் பழைய ஓலை சுவடிகள் கண்டெடுக்கப்பட்டன. முன்னைய இந்தியா என்றால் பாகிஸ்தானும் இந்தியாவும் ஒன்றாக இருந்த காலம் . தற்ப்போது அந்த இடம் பாகிஸ்தானுக்குள் சென்று விட்டது . இப்போது எஞ்சி இருக்கும் ஏனைய கணித மற்றும் அறிவியல் நில கீழ் தகவல்களையும் இழந்து விட்டு நிக்கிறது இந்தியா .


பின்னர் பிரெஞ்சு கணிதவியலாளர் வாதாடி பெற்றுக்கொடுத்தது தான் பூச்சியம் . அது தான் பத்து போன்ற இலக்கங்களுக்கான பெறுமதியை கொடுக்கும் இலக்கமாக அமையும் என வாதாடினார் .


ஆர்யபட்டா தான் பை(22 /7 ) பெறுமானத்தையும் கண்டறிந்ததாக கூறப்படுகிறது . அவரது எழுத்துகளில் நூறுடன் நான்கை கூட்டி எட்டால்பெருக்கி இருபதினாயிரத்தால் பிரித்தால் 3 .1416 ( ((4+100)×8+62000)/20000 = 3.1416) என 5 தசமதானகளில் குறிப்பிட்டிருந்தார் .


ஆனாலும் அது āsanna என்று அவரது குறிப்பில் குறிப்பிட்டுள்ளார் . என்றால் கிட்டத்தட்ட என்று அர்த்தமாம் . இது பின்னரே 1761 இல் ஐரோப்பிய கணிதவியளாலரால் கண்டறியப்பட்டது .


எத்தனையோ இந்திய இந்துக்களின் கண்டு பிடிப்புகள் காணாமல் போய் உள்ளது உண்மை . அவற்றில் பெறும் பாலான தொல் பொருட்கள் பாகிஸ்தான் நிலத்தினில் . என்ன தான் செய்யமுடியும் . இந்து நாகரிக பள்ளத்தாக்கும் தாரை வார்த்து கொடுக்கப்பட்டு விட்டது .


முடிந்தால் இவரை பற்றி தனிப்பதிவு போட முயற்ச்சிக்கிறேன் ..


ஒரு நாள் பூச்சியத்துக்கும் ஒரே கவலை . தன்னால் ஒரு உபயோகமும் இல்லை என்று . கொஞ்சம் நகைச்சுவையா இதை பாருங்களன் .


இறந்த பின்னரான வாழ்க்கை - மம்மிபிகேஷன்

மம்மிகள் நாம் சினிமாவில் பார்த்ததோடு சரி . அவர்களின் இறந்த பின்னரான வாழ்க்கை பற்றிய நம்பிக்கை பற்றியோ  அவர்களின் ரகசியம் பற்றியோ அறிந்ததில்லை . மம்மிகள் சீனா மம்மிகள் , அரசியல் வாதி மம்மிகள் , குரு மம்மிகள், மிருக மம்மிகள் , உரிந்த மம்மிகள் , காய்ந்த மம்மிகள் என எத்தனையோ வகை . அவற்றையும் இறந்த பின் வாழ்க்கையையும் , பிரமிட்டையும் அவர்களின் முறைகளையும் பார்ப்போம் .

உலகத்தில் எத்தனை கண்டுபிடிப்புகள் வந்தாலும் பெரும்பாலான விடயங்கள் எகிப்த்தியர்களின் வழிகாட்டலிலேயே தோன்றியுள்ளது . ஏன் இப்போது உலகில்  உள்ள இரு பெரிய மதங்களும் அவற்றின் கதைகளும் எகிப்தியர்களிடம் இருந்து எடுக்கப்பட்டவை என்றும் கூறலாம் .அதன் காரணம் எகிப்தியர்கள் அனைத்து  விடயங்களையும் தமது கல் வெட்டுகளில் பொறித்து விட்டு  சென்றமை .

எகிப்த்தியர்களின் (கி மு (4650 - 3050 ))  கல் வெட்டுகளில் அவர்களின் பொருளாதாரம் , விஞ்ஞானம், கணிதம் , போக்குவரத்து என அனைத்தும்  குறிக்கப்பட்டுள்ளது .



இவை அனைத்தையும்  பொறித்து விட்டுசென்றவர்கள் அவர்களின் இறந்த பின்னரான வாழ்க்கை பற்றியோ அல்லது அவர்கள் இறந்த உடல்கள் பாதுகாத்தல் தொடர்பையோ எந்த குறிப்புகளையும் எழுதி வைக்க வில்லை . எழுதி வைக்காததன் மர்மம் என்ன ? அதற்க்கான கேள்வி மனதில் நிற்கட்டும் . இவ்வாறு  எழுதி வைக்காத முறைமை கிரேக்க சுற்றுலாப்பயணி(கி மு 2500 ) ஒருவரால் அடிப்படை விடயங்களை வைத்து ஊகித்து எழுதப்பட்டது தான் மம்மிபிகேஷன் .

அனைத்து  தொழில்நுட்பவியலாளர்களும் , தற்ப்போதைய கட்டிட நிபுணர்களும் பார்த்து வியந்த பிரமிட்டுகள் ஆயிரமாயிரம் தொழிலாளர்களை வைத்து கட்டப்பட்டது . அதற்க்கான காரணம் அவர்களது இறந்த உடல்களை பாதுகாக்கவும் இறந்த பின்னரான வாழ்க்கையை உறுதி செய்யவுமே .

இறந்த உடல்களை பத்திரப்படுத்தி வைக்கும் முறையில்  எகிப்தியர்களை பார்த்து வியந்து நிற்க்கிறது மருத்துவ உலகம் . மம்மிபிகஷோன் நடந்த மம்மி 18 ஆம் நூற்றாண்டுகளில் கண்டு பிடிக்கப்பட்டது . இறந்த உடல்களை பத்திரப்படுத்தி வைப்பது தான் மம்மிபிகாஷோன் .

மம்மிபிகேஷன்

நைல்   நதியை தாண்டி கொண்டு செல்லப்படும் இறந்த உடல்களுக்கான மம்மிபிகாஷோன் உயர்ந்தமலையில் வைத்து நடத்தப்படுகிறது . மம்மிபிகேஷன் ஆரம்பமாக அவர்களுடைய குருமார்களால் பிரார்த்தனை நடத்தப்படுவதுடன் ஆரம்பிக்கிறது  .

பின்னர் மூக்கினூடாக ஒரு நீண்ட கம்பி போல ஒன்றை வைத்து மூளை இழுத்து எடுக்கப்படும் . வயிற்றிலிருந்து ஏனைய முக்கிய உறுப்புகளும் எடுக்கப்படும் . அவை தான் உடல் கெட்டுப்போக காரணமானவை .


பின்னர் கழுவப்பட்ட உடல் நீரை உடலில் இருந்து உறிஞ்சும் உப்புக்களால் முழுமையாக மூடி நாப்பது நாட்களுக்கு விடப்படும் . நாற்ப்பது நாட்களுக்கு பின்னர் நைல் நதியில் இருந்து எடுக்கப்படும் நீரால் உடல் கழுவப்பட்டு உடலை லாஸ்டிக் போல வைத்திருக்க எண்ணெய் வகை பூசப்படுகிறது .


எடுக்கப்பட்ட உள் உறுப்புகளிட்க்காக வேறு பொருட்கள் இட்டு உடல் நிரப்பப்பட்ட பின்னர் , எடுக்கப்பட்ட உறுப்புகள் சாடிகளில் இடப்படும் . அதாவது அவர்கள் வணங்கிய கடவுள் ஹோறச்சின் நான்கு மகன்கள் என அழைக்கப்படும் ஜாடிகளில் இட்டு  வைக்கப்படும் .


வாசமான திரவியம் உடலை சுற்றி பூசப்பட்ட பின் துணியால் சுற்றப்படும் .


அவர்களின் சுற்றும் முறையே தனி . சுற்றிய பின் சடங்குகள் இடம் பெற்று அவை உறவினர்களிடம் விடப்படும் . அங்கு அவர்களுக்கு இறுதி உணவு , இறுதி சடங்குகள் அனைத்தும்  செய்யப்பட்டு அவர்களுக்காக செய்யப்பட்ட பிரமிட்டுகளில் வைக்கப்பட்டு மூடப்படும் .



இதில் நெகிழ வைக்கும் விடயம் என்னவென்றால் . அரசன் மறுபடியும் வாழ்க்கை வாழ்வான் என்ற நம்பிக்கை இருந்தவர்கள் பணம், பொருள் , உணவு என அணித்தையும் இட்டு அனுப்புவர் .அதனுடன் வேலை செய்பவர்களையும் காவலாளிகளாக உயிருடன் வைத்து மூடுவதே . காரணம் இறந்த பின்னரும் அரசன் உயிரித்து எழுந்தால்  காவலுக்கு காவலாளிகள் தேவை என்பதே .

எகிப்தியர்கள் இறந்த உடல்களை வரிசையாக பிரமிட்டுகளுக்குள் இறக்கும் விதம் . அப்போதே இத்தகைய தொழில் நுட்பம் .



ஆனால் நமக்கெல்லாம் தெரிந்தது எகிப்திய மம்மிகள் தான் . அவை தான் பிரபல்யமும் கூட . ஆனால் தேன் அமெரிக்காவில் கடற்க்கரை பகுதிகளில் வாழ்ந்த பழங்குடி மக்களின் மம்மிகள் கண்டெடுக்கப்பட்டுள்ளன . இதுவரை கண்டெடுக்கப்பட்ட மம்மிகளில் 6000 ஆண்டுகள் பழமையான சின்ன குழந்தை ஒன்றின் மம்மியே மிக மிக பழமையானது .

எகிப்திய ராஜாக்களால் தாம் இறக்கும் முன்னர் தாம் இறந்ததன் பின்னான வாழ்க்கைக்கு தேவையான இடத்தை அவர்களே இருந்து கட்டுகின்றனர் . மிகவும் பணம் செலவழிக்கும் விடயம் என்றால் இது தான் .



நவீன மம்மி (லெனின் )

உலக புரட்ச்சியாளன் லெனின் இறந்த பின்னர் (1924 ) அவருடைய உடலை பக்குவப்படுத்தி வைக்க முடிவு செய்யப்பட்டது . காரணம் மக்களால் அனைவராலும் அதிகமாக விரும்பப்பட்டவர் , தம்முடனேயே இருக்க வேண்டும் என முடிவு செய்தனர் .
முதலில் அடியில் வைத்து -30 டிகிரியில் புதைக்கப்பட்ட அவரது உடல் மீண்டும் எடுக்கப்பட்டு மருத்துவர்களால் மேலும் நிறைய காலம் வைத்திருக்க முடிவெடுக்கப்பட்டது .


ஆனால் அவரது உடலுக்கு மம்மீகளுக்கு  செய்யப்பட்ட அதே வேலைகள் மாற்றமில்லாமல் இடம் பெற்றது . ஆனால் ரகசியமாக ஒரு முறை இன்று வரை பேணப்பட்டு வருகிறது ரஷ்ஷியர்களால் . இறந்த அவரது உடல் 70 வருடங்களாக அப்படியே இருக்கிறது . இப்போதும் பேணப்பட்டு வருகிறது .

ஒரு வேலை லெனினின் உடலும் நிலத்துக்கடியில் செல்லலாம் . காரணம் கம்யுனிஸ்ட் ஆட்சி இல்லை . அனைத்து மம்மிகளும் , அது எகிப்திய மும்மியோ ,6000 வருடங்கள் பழமையான குழந்தை மம்மியோ!!. இவை அனைத்தும்  காலத்தால் கூறும் ஒரே பதில் . எமது இறந்த காலத்துக்கான எயக்ச்டயினின் நேர பயணம் . பல விடயங்கள் மர்மமாகவே தொடர்கிறது .

விமான விபத்திலிருந்து எப்படி தப்பலாம்..?



உலக உயிர்கள் எதனால் வாழ்கிறதோ தோன்றியதோ ,ஆனால் அனைத்தும் தக்கென பிழைத்தல் எனும் அடிப்படை தியரியை வைத்து தான் தோன்றின . தம்மை பாதுகாத்துக்கொள்ள , எச்சரிக்கையாக இருக்க தெரிந்த உயிர்கள் பிழைக்கும் வாய்ப்புகள் அதிகம் .


அண்மையில் நடந்த மேன்களூர் விமான விபத்தில் பல உயிர்களை தீ விழுங்கியது . அதில் அந்த விமானத்தை தவறவிட்டவர்களுடன் மொத்தம் 15 பேர் உயிர் தப்பினர் . உயிர்களின் பெறுமதி மதிப்பில்லை . அதில் ஒரு அறுபது பேராவது தப்பியிருந்தாலும் மகிழ்ச்சி தான் . நம் அரசியல்வாதிகள் அதிகாரிகளின் நோக்கம் முழுக்க யார் மீது யார் பழியை போட்டு பிழைக்கலாம் என்பதே .அது தான் இப்போதும் நடக்கிறது . அதனால் பயன் என்று பார்த்தால் ஒன்றும் இல்லை .


இனி எவ்வாறு இவ்வாறான விபத்துகளை எதிர் கொள்கிறோம் என்பதே முக்கியம் . இது குறித்து எவராலும் விழிப்புணர்வு நடவடிக்கை கொண்டு செல்லப்பட்டதாக காணவில்லை . விமானப்பாதுகாப்பு தொடர்பான விழிப்புணர்வு அவசியம். 1 .2 மிலியன் விமானங்களுக்கு ஒன்று என விபத்து நடந்தாலும் எச்சரிக்கை மிகவும் முக்கியம் .




இதுவரை நடந்த அகோர விமான விமான விபத்துக்களில் இருந்து 56 % ஆன உயிர்கள் காப்பற்றப்பட்டிருக்கின்றன . சிலவை தவிர்க்கமுடியாதாயினும் உயிர் பிழைக்கும் விகிதத்தை எம் இறுதி நேர நடவடிக்கைகளால் அதிகரிக்கலாம்.


எவளவு பெரிய விபத்தானாலும் ஒரு விமானம் முழுமையாக தீப்பிடித்து வெடித்து எரிவதற்கு 90 செக்கன்கள் ( 1 1/2 நிமிடங்கள் ) ஆகும். இது சர்வதேச தீ விபத்து பாதுகாப்பு மையத்தின் ஆய்வு அறிக்கை கூறும் தகவல் . அந்த 90 செக்கன்களையும் நாம் பயனுள்ள விதத்தில் பாவிப்பதிலேயே உயிர் பிழைக்கும் சந்தர்ப்பம் உண்டு .


நடை பெற்ற விபத்தில் இருந்து பிழைத்த உமர் பாரூக் கூறிய கருத்தின் படி பார்த்தால் முடிவெடுக்கும் சந்தர்ப்பம் அதிகம் . சில உயிர்கள் செல்வதற்கு வாய்ப்பு உள்ளது ஆனால் ஏன் மற்றயவர்களால் எழுந்து வரமுடியவில்லை ??



"திடீரென விமானம் தள்ளாடியது. விமானத்தின் இறக்கை ஒன்று மலை மீது உரசியதை பார்க்க முடிந்தது. நாங்கள் எல்லாரும் அலறினோம்.சிறிது நேரத்தில் மலை மீது பலத்த சத்தத்துடன் விமானம் மோதியது. விமானம் முழுக்க தீ பிடித்தது. எங்கும் புகையாக இருந்தது."தைரியத்தை வர வழைத்துக்கொண்டு எழுந்து வெளியில் ஓடிவந்தேன். அடுத்த சில நிமிடங்களில் நான் இருந்த இடம் உள்பட விமானத்தின் பெரும் பகுதி வெடித்து சிதறியது."


I got caught in some cables but managed to scramble out
தான் இடையில் மாட்டிக்கொண்டதாக கூறியிருந்தார் உமர் . விமானம் எரிந்து தீப்பற்ற முதலே சிலரது உயிர்கள் பதற்றத்தால் செல்லும் வாய்ப்பு அதிகம் . மற்றும் பொருள்கள் ஏதாவது எதிர்பாராத விதமாக அடிபடும் . முக்கியமாக தலைப்பகுதியே முதலில் தாக்கப்படும் .





தலைப்பகுதி அடிபடுவதால் சிலர் முதலே மயக்கமடைவர் . தலைப்பகுதியை முன்னாள் இருக்கும் இருக்கையில் வைத்து படுக்க வேண்டும் . இதனால் முதல் சந்தர்ப்பத்தில் இருந்து பிழைக்கலாம் .



என் அருகில் இருந்தவர்கள் எல்லாரும் மயங்கி, சரிந்து கிடந்தனர். ஒரு நிமிடம் எனக்கு என்ன செய்வது என்றே புரியவில்லை.


பலரால் எழுந்து ஓடி வந்திருக்க முடியும் ஆனால் நெருப்பு எரிந்ததால் வந்த புகை அவர்கள் மயக்கத்திற்கு காரணம் . வரும் நெருப்பு புகை மேலாக தான் கூடுதலாக செல்லும். குறைவாக சுவாசிப்பதன் மூலமும் கீழே குனிந்து கொண்டு வெளியேறுவதன் மூலமும் அந்த மயக்கத்தை தவிர்க்கலாம் .இல்லாவிட்டால் ஈரமான துணியால் மூக்கை மூடிக்கொள்ளவும்





இந்த செயன்முறை உயிர் பிழைக்கும் இரண்டாவது சந்தர்ப்பத்தை அதிகரிக்கும் .


"நான் இருந்த பகுதியில் விமானம் இரண்டாக பிளந்து கிடந்தது. இதனால் வெளியில் செல்ல வழி கிடைத்தது." ஏன் அவரால் விரைவாக வெளியேறும் பகுதியை திறக்கம் முடியவில்லை? அவர் இருந்த இருக்கைக்கு அருகாமையில் தான் வெளியேறும் பகுதி இருக்கிறது . தான் விமானத்தின் பின் பகுதியில் இருந்ததாக கூறினார் .



அனைவரும் கட்டாயமாக விரைவாக வெளியேறும் பகுதி திறக்கும் முறையை அறிந்திருக்க வேண்டும். சில வேளைகளில் விமானம் எரியும் போது அதில் பணி புரிபவர்கள் கூட இறந்திருக்கலாம் . ஆகவே எமக்கு அதை திறக்க தெரிந்திருக்க வேண்டும் . இதில் முக்கிய பங்கு வகிப்பது நாம் தெரிவு செய்யும் இருக்கைகள் .
நாம் தெரிவு செய்யும் இருக்கைகள் நமது பாதுகாப்பை மேலும் உறுதி செய்கின்றன .



கூடுதலாக விரைவாக வெளியேறும் கதவுக்கு அருகில் இருப்பவர்களுக்கு அதிகம் வாய்ப்புகள் மற்றும் விமானத்தில் பின்னால் இருப்பவர்கள் உயிர் பிழைக்கும் வீதம் 60 % ஆம்..


முக்கியமான தவறுகள்


விரைவான அதிர்ச்சி
அனைவரும் அதிர்ச்சியில் செய்வதறியாது தான் இருப்பார்கள். சிலர் கடவுளை வணங்குவர் . கண்களை மூடிக்கொண்டு இருந்து விடுவார்கள் . அடுத்த படியை யோசிப்பதில்லை . இது தான் உண்மை .


பொதிகளை கை விடாமல் இருத்தல்


முக்கியமாக எம்மவர்கள் பொதிகள் மீது கவனம் செலுத்தி அதை எடுத்துக்கொண்டு செல்ல முற்படுவர். பொதிகளை விட்டு விட்டு உடனடியாக வெளியேற மட்டுமே பார்க்க வேண்டும் . எந்த நேரத்தில் வெடிக்கும் என்பது கூற முடியாது . ஆனால் சிறிது நேரத்தில் வெடிக்கும் என்பது நிச்சயம் .
தயவு செய்து விமான பயணத்தில் குடிக்காதீர்கள் . அது உங்கள் செயல்ப்படும் திறனை இன்னும் குறைக்கும் .


விமான பாதுகாப்பு அறிவுறுத்தல் வழங்கும் போது அலட்ச்சியம்


அனைத்திற்கும் காரணம் அலச்சியம். கூடுதலாக நாம் ஒருவரும் விமானம் புறப்படும் முன் வழங்கப்படும் அறிவுறுத்தல்களை கேட்பதில்லை . காரணம் எத்தனையோ தடவை கேட்டு விட்டோம் என்ற அலட்ச்சியம் . ஆனால் சில தகவல்கள் விமானத்துக்கு விமானம் வேறு படும் எனபதே உண்மை .




பாதுகாப்பு உறையை கூடுதலாக உடனே அணிய வேண்டும் ஆனால் விமானம் விழுந்தது நீர் பரப்பாக இருந்தால் விமானத்தை விட்டு உடனே குதிக்க தேவையில்லை .


இவ்வாறான சந்தர்ப்பங்களில் இருந்து பார்த்தால் தான் தெரியும் என்பது சிலருடைய கருத்து . சிலருடைய கருத்து அந்த நேரம் என்ன செய்வதென்றே தெரியாது என்பதே . நாம் அதிர்ச்சியடைவதன் மூலம் உயிர் காப்பாற்றப்படப்போவதில்லை .உயிர் பிழைக்கும் விகிதம் மனதளவில் குறைக்கப்படும் . ஆனால் மன அழுத்தத்தை எதிர் கொண்டு விரைவாக செயல்ப்பட வேண்டும் . சில திடீர் வெடிப்புகள் தவிர்க்க முடியாது .




இவற்றால் உயிர் பிழைக்கலாம் என்றில்லை . உயிர் பிழைக்கும் விகிதத்தை கூட்டலாம்.